.jpg)
Soraluzeko Mendi Taldetik adierazi dutenez, domekarako aurreikusita zuten mendi-buelta bertan behera gelditu da.
Mendi irteera hori Gipuzkoako Finalista Egunaren ordezkoa zen. Izan ere, aurten, Soraluzen tokatzen zen lurralde mailako Finalista Eguna egitea. Pandemiaren ondorioz, asmo hura bertan behera geratu zen. Baina haren ordez, herriko mendi taldeak Finalista Eguneko mendi-buelta egiteko asmoa zuen, herriko mendizaleekin bakarrik izan arren.
Orain, hori ere ezin izango dute egin, antolatzaileen esanetan, Eusko Jaurlaritzaren arau berriak direla-eta; azken egunotan herriko kutsatze kopurua dezente igo delako eta jende asko konfinatuta dagoelako eta gainera, domekarako eguraldi txarra dagoelako iragarrita.