Hilabeteko atzerapenarekin bada ere, Sorako jubenilek eta kadeteek asteburuan hasiko dute aurtengo liga txapelketa. Domekan, 11:30ean, Estala Futbol Zelaian du hitzordua jubenil mailako taldeak, Antzuola KIrol Elkarteko taldearen kontra.
Domekan, 16:30ean, berriz, kadete mailako taldeak Oñatiko Aloña Mendi taldearen kontra jokatuko du norgehiagoka, etxean.
Gorengo mailakoa atzeratuta
Sorako gorengo mailako taldeari dagokionez, berriz, joan den astean hasi zuen liga, baina ez zuen partidurik jokatu, aurkariak berrogeialdian zirelako. Aste honetako partidua ere atzeratu egin diete, arrazoi berberarengatik. Atzeratutako lehen partidua abendu hasieran jokatuko dute, beste ezustekorik ezean.