Datozen egunotan, Birakan izena emanda duten ikasleen gurasoekin harremanetan jarriko da Josu Mugika, Birakako arduraduna. Aurtengo ikasturte hasierak izango dituen berezitasunen berri emango die haiei eta jarraitu nahi ez duten ikasleei, berriz, baja emateko aukera eskainiko die.
Izan ere, bestelako jardueretan moduan, Birakan ere neurri zorrotzak errespetatu beharko dituzte dantza eskoletan: maskara jantzita izan beharko dute, elkarren arteko distantziak gorde beharko dituzte, eta, besteak beste, ikasleak etxetik jantzita bertaratu beharko dira, gurasoek ezin izango baitiete janzten eta eranzten lagundu.
Talde txikiak dira
Hori bai, Birakaren kasuan, hainbat neurrik bestelako jarduera batzuetan baino eragin txikiagoa izango dute. Batetik, berez, kontaktu bako ekimena delako eta bestetik, Birakako taldeak bestela ere ez direlako handiak.
Oraingoz, 55 ikaslek eman dute izena Birakan; uda aurretik eman zuten izena, LHtik hasi eta DBHrainoko ikasleak dira eta bost talde osatuko lituzkete.