Gaur goizean, ikastetxe inguruko hiru topagunetan elkartu dira Plaentxi Eskolako ikasleak. Mailaka antolatuta, gurasoak bestetan baino urrutiagotik zaintzen zituztela, ikasgela bakoitzeko tutorearen gidaritzapean egin dute eskolarako joana.
Hori bai, lehenengo tenperatura hartu diete guzti-guztiei eta ondoren, ilaretan jarri eta distantziak gordeta igo dira ikastetxera.
Gaur, aurkezpen eguna izanda, ohi baino ordutegi laburragoa izango dute. Egoera berrira ohitzen hasteko hasierako orduak, izan ere, martxora arte ezagutzen zuten ikastetxearen funtzionamendua nabarmen aldatu da orain.
Kontuak kontu, hasi dira eskolan, askoren esanetan, “hori da inportanteena”; beste askoren kezka da, berriz, ea noiz arte segitu ahal izango duten horrela, normal antzean.
