Poliki-poliki frontoi arrosa moduluz betetzen ari dira. Ana Lete herritarrak bidalitako bideoek erakusten dute zelako maniobrak egin behar izan dituzten moduluok Santa Ana kaletik frontoira jasotzeko. Moduluok baliatuta egokituko dituzte institutuko lau talderendako beste horrenbeste ikasgela; baita komunak ere.
Izan ere, ikasturtea abiatu eta hasierako hilabeteotan, obretan segituko dute ikastetxean. Obra handia egiten ari dira eta, horren eraginez, ikasgela gutxiago izango dituzte eskolak emateko. Hori horrela, besteak beste, moduluak erabiliko dituzte espazio gehigarria lortzeko.
