Alderdi politikoek eskuratutako botoez aparte, atzoko hauteskunde hitzorduak eman duen datu nabarmenetako bat abstentzio altua izan da: Soraluzen, %43,84 eta Euskal Autonomia Erkidegoan %52,86. Bestela esanda, Soraluzen boto-emaileen %56,16ak parte hartu zuen eta Euskal Autonomia Erkidegoan, %52,86ak.
Abstentzio altu horren “arrazoietako bat” alarma egoerari eta COVID gaitzaren eragin zuzenari egotzi dio Aldazabalek. Hori aparte lagata, jeltzalearen esanetan, “alderdia oso pozik dago lortutako emaitzekin”.
Kezkatuta
Hori bai, bada emaitzek utzitako “puntu beltz” bat, Aldazabalen ustetan; Araban VOX alderdiak lortu duen legebiltzarkidea. “Benetan, ni pertsonalki, kezkatzen nauen gaia da”, adierazi du.