Parte-hartzearen jaitsieraren ondorioz, Eusko Legebiltzarrerako hauteskundeetara aurkeztu diren alderdi guztiek eskuratu dituzte boto gutxiago 2016ko hauteskundeekin alderatuta. Baina, proportzioak begiratuta, berriz, 4 puntu egin du gora EH Bilduk; ia 3 puntu egin du gora EAJk eta ia pareko geratu da PSE-EE, apurtxo bat jaitsita.
Ahal Dugu-Podemosek, berriz, golpe gogorra hartu du, ia botoen erdiak galdu egin baititu. Gauza bera gertatu da PPk eta Ciudadanosek elkarrekin aurkeztutako hautagaitzarekin, erdia baino gehiago galdu dute oraingoan.