Azken hiru asteotan ibai bazterrean dabilen orkatz-kumea geroago eta ezagunagoa ari da bilakatzen. Atzo, suhiltzaileen eta Ertzaintzaren “bisita” izan zuen, herritar baten abisua jaso ondoren.
"Bere kasara" laga
18:00ak aldera iritsi ziren suhiltzaileak eta ertzainak industrialdera. Segurtasun Sailetik esandakoaren arabera, herritar batek 112ra deitu zuen, ibaitik atera ezinean zebilen orkatzaren berri emateko, arduratuta. Suhiltzaileek orkatza non zebilen begiratu, eta bistaratu zutenean, haren ingurura jaisten hasi ziren. Baina hura ikustean, animaliak uretara salto egin zuen, beldurtuta, eta ibaiaren beste aldera egin zuen igeri.
Hori horrela, eta ikusita animalia egoera onean zegoela, suhiltzaileek esandakoaren arabera, erabaki zuten orkatzari “bere kasa” joaten lagatzea.