“Aldundiaren eta Eusko Jaurlaritzako Hezkuntza Sailaren erabakien eta segurtasun-neurrien zain egon beharko gara, ekintza modu seguruan burutu ahal izateko, baina, ordurako, guk gure partetik dena prest eduki beharko dugu, ekintzarekin hasi ahal izateko”; azalpen hori emanda zabaldu dute eskola kirolari dagokion 2020-2021. ikasturterako matrikulazio epea.
Egunak eta ordutegiak
Kirol jarduerak egiteko egunak eta ordutegiak ere jakinarazi dituzte, beti ere, aldaketaren bat izan ditzaketela jakinarazita, egoerak eta ikasle kopuruak eragindakoak:
- 3. eta 4. mailetako ikasleak: martitzenetan eta eguenetan, 16:45etik 17:30era.
- 5. eta 6. mailako ikasleak: martitzenetan eta eguenetan, 17:30etik 18:15era.
Izena emateko honako helbidea erabili behar da: kirola@soraluze.eus, eta bertan idatzi behar dira umearen izen-abizenak, 2020-2021. ikasturtean zein mailatan egongo den eta telefono zenbaki bat. Urte osoko matrikulazioarengatik 74 euro ordaindu behar da, irailean.
Hainbat umek dagoeneko eman dute izena.