Honako hauek dira bihar, astelehena, indarrean sartuko diren arau berriak.
1. Mugikortasuna eta jende multzoak
- Etxe barruan zein kanpoan, hogeirainoko jende multzoak egongo dira baimenduta.
- EAEko hiru probintzietan mugagabeko mugikortasuna izango da. Bestalde, Eusko Jaurlaritzak eskatu du inguruko erkidegoetara ere joan ahal izatea, Nafarroara eta Cantabriara, esaterako, baina Espainiako Gobernuak ez du hori onartu.
- Haur eta gazteentzako jarduerak baimenduko dituzte, bai aire zabalean eta bai leku itxietan. Gune itxietan, gehieneko edukieraren% 60ra mugatuko da parte-hartzaileen kopurua, eta gehienez 80 lagun izango dira, monitoreak barne.
- Mesedeetako egoitza barrura sartu ahal izango dira bisitak. Neurri bereziekin. Hemen klikatuta ikusgai.
- Beilatokietan eta hiletetan, gehienez 50 pertsona elkartu ahal izango dira aire zabalean bada, eta 25 leku itxietan.
- Erlijio-guneak (elizak, meskitak…) %75eraino bete ahal izango dira.
- Udal bakoitzak erabakiko du jolas-parkeak ireki ala ez.
2. Garraioa
- Gipuzkoan, Araban eta Bizkaian garraioak %100ean arituko dira, bidaiari kopuruari zein maiztasunari dagokionez. Maskararen erabilera derrigorrezkoa izango da, eta ausazko tenperatura kontrolak egingo dira geltoki itxietan.
3. Ostalaritza, Turismoa, elkarteak eta merkataritza
- Saltoki, denda eta merkataritza-guneetako edukiera % 60ra handitzea, eremu komunak eta jolas-espazioak barne.
- Tabernetan eta jatetxeetan ez da edukiera mugatuko; baina pertsonen artean bi metroko distantzia gorde beharko da. Barrako zerbitzua baimentzen da, gutxienez bi metroko tartea utzita bezeroen edo bezero-taldeen artean. Terrazak ere %100ean erabil daitezke, mahaien artean bi metroko distantzia lagata.
- Hotel eta ostatu turistikoak: %60ko edukiera eremu komunetan.
- Natura turismoa eta mendi-ibiliak, gehienez 30 pertsonako taldeentzat.
4. Kultura-jarduerak, kirola eta aisialdia
- Liburutegiak: %60ko edukiera, maileguak egiteko eta irakurtzeko.
- Zinema, antzoki, hitzaldi-areto eta entzunaretoak: % 60ko edukiera, eserlekuak aurretik hartuta.
- Hitzaldiak eta jardunaldiak leku itxietan: %60ko edukiera, gehienez 80 pertsona.
- Gune irekietako ekitaldiak eta ikuskizunak: %60ko edukiera, gehienez ere 1.000 lagun, eserita eta 2 metroko distantziarekin.
-
Kirol-instalazioetan, igerilekuak barne, % 60ko gehienezko edukiera baimenduko da.
-
Aldagelak eta dutxa-guneak erabil ahal izango dira, pertsonen arteko gutxieneko distantzia errespetatuz.
Talde-entrenamenduei berrekin daiteke, pertsonen arteko gutxieneko segurtasun-distantzia betez gero.
5. Udalekuak eta Haurreskolak
- Haur eta gazteei zuzendutako eguneko aisialdiko jarduerak: % 60eko edukiera eta gehienez 80 lagun barneko espazioetan eta % 60eko edukiera eta gehienez 200 pertsona espazio irekietan (begiraleak barne).
- Jarduerak gehienez 15 pertsonako taldeetan antolatuko dira, begiraleak barne.
- Haurreskola zabaltzea posible da, %60ko gehienezko edukierarekin.