Covid 19-aren eragina handitzen doan arren, oraingoz, Eusko Legebiltzarrerako hauteskundeen datak bere horretan dirau: apirilak 5. Eta data horren arabera dabiltza martxan jartzen bozak egin ahal izateko mekanismo guztiak.
Horien artean, atzo egin zuten udalerriko hauteskunde-mahaiak osatzeko herrikideen zozketa, eta haien nortasun agiriak dagoeneko Kontzejupeko iragarki-taulan ikus daitezke. Edozein modutan, datozen egunotan, tokatu zaien horiei Udaltzaingoak zuzenean helaraziko dizkiete jakinarazpenak.