Gabolatseko aldapari dagokionez, bihar 08:00etarako erretiratuta egon beharko dute han aparkatuta egoten diren ibilgailuak. Zirkulazioari dagokionez, bidegorritik desbideratuko dute. Eta oinezkoei dagokienez, berriz, haiek ere bidegorria erabili beharko dute erdigunera etortzeko, edo bestela Gabolatseko zubitik ibaia zeharkatu eta kiroldegiko pasealekutik etorri.
Gabolats 8-10 zenbakiei dagokienez, berriz, hango etxean obra egin behar dute, ibai aldera egin ere. Eta obra egiteko beso luzea duen garabia erabili beharko dute. Eta hain justu, garabi horren oinarria Gabolats kaleko 8-10 zenbakien inguruan ipiniko dute, lehenagoko Arostegi tabernaren parean. Beraz, kale zati hori ere itxita izango da, eta oinezkoek Gabolatseko zubia erabili beharko dute.
