Udal erroldako agiriak, zerga ziurtagiriak, IVAPeko edo unibertsitateko tituluak… Sarri, herritarrak mota horretako dokumentazioa eskatu behar izaten du tramite administratiboak egiteko. Normalean, dokumentazio mota hori tokian tokiko administrazioan eskatu behar izaten da; izan udaletxeetan, unibertsitateetan, Ogasunean…
Administrazioak berak eskuratu
Bada, etorkizunera begira, administrazio elektronikoa abiarazi nahi dute. Bestela esanda, herritarrari buruz duten informazioa elkarren artean trukatzeko aukera eman nahi zaie administrazioei, eta horrela, herritarra ez da etengabe dokumentazio mota hori eskatzen ibili behar, baizik eta administrazioa bera arduratuko litzateke dokumentazio hori eskatzeaz eta eskuratzeaz.
Administrazio elektronikoari ateak zabaltzeko, bada, lehen pauso burokratikoa onartu zuen atzo udalbatzarrak: NISAEren (administrazio guztiendako plataforma komuna) eta Soraluzeko Udalaren arteko lankidetza hitzarmena onartzea.