Gorengo mailak Ezoziko Futbol Zelaian jokatu zuen partidua, zapatuan. Eta partiduaren aurretik, Iker Consul jokalaria izan zuten gogoan. Belaunean min hartuta dago hura, eta lesio luzeari egin beharko dio aurre. Animoak helarazi dizkiote taldekideek.
Emaitzei dagokienez, honakoak izan ditu Sorak pasa berri den asteburuan:
- Gorengo maila: Sora 2- 2 Orioko
- Kadete maila: San Martzial 4-0 Sora
- Infantil maila: Sora 0-7 Mutriku
Hurrengo asteburua
Datozen partiduei begira, berriz, sailkapenean bigarren dagoen Beasain taldea izango du aurrez aurre Sorak zapatuan. Partidua, baina, kanpoan da, Loinaz Beasain futbol zelaian. Kadeteek, berriz, etxean jokatuko dute, haiek ere zapatuan, 11:30ean, Martuteneren kontra. Eta infantilei dagokienez, Unben dute hitzordua, Eibarren, zapatuan, 14:30ean Eibartarrak taldearen kontra.