Plaza Berrian hasi, Santa Ana kaletik segi, eta Errekaldeko zubitik aurrera eginez, Errabaletik kiroldegira jo eta Gabolatseko buelta eginda, Plaza Zaharretik eta Kalebarrenetik zehar, atzera ere Plaza Berrira ailegatu, eta hantxe amaitu da iluntzeko manifestazioa.
Ordu erdiko iraupena izan du, eta euripean amaitu du. Horrek ez ditu kikildu, baina, protestarekin bat egin duten ia 180 lagunak.
Manifestazioa amaituta, deigarria da oso ze hutsik eta isilik geratu diren kaleak.