Zapatuan, etxean 0-1 galdu zuen Sorako gorengo mailako taldeak Oñatiko Aloña Mendiren kontra. Kadete mailako taldeak, berriz, Igoera Faseko liderra izan zuen aurrez aurre, eta 0-2 galdu zuen haren kontra. Halaber, emaitza berbera izan zuen Sorako infantil mailako taldeak ere.
Kadeteek etxean
Datorren asteburuari dagokionez, Sorari sailkapenean lau punturen aldea ateratzen dio zapatuan kontrario izango duen Ikasberri taldeak; zazpigarren doaz haiek eta hamargarren etxekoak. 15:00etan hasiko da euren arteko norgehiagoka, Azpeitiko Garmendipe zelaian.
Eta kadeteek, berriz, etxean dute hitzordua; haiek domekan, 11:15ean jokatuko dute, Ilintxaren kontra.