Goizean goizetik gertu laga dute guztia zubi nagusian, Hamabostero Hankabero ibilaldia abiatuko dela gogora ekartzeko. Orain dela 15 egun estreinatu zuen ekimen horrek ikasturtea, berritasunekin. Ordubete lehenago abiatu ziren, 18:00etan, eta aurpegi berriak ikusi ziren ekimenera batu zirenen artean, besteak beste, Mesedeetako egoitzako ordezkariak, eta baita bertako egoiliar bat ere.
6 bat kilometrokoa
Parkeen ibilbidea egin zuten orain dela 15 egun, eta ordubete inguruan hasi eta bukatu zuten berau. Bada, gaur, antzerako ezaugarriak dituen ibilaldia egingo dute. Egoiliarrek landutako planoa eta argazkiak lagun, 6 bat kilometroko paseoa egingo dute Soraluze, Mugituz! ekimenekoek eta Mesedeetako egoitzako ordezkariek gidatuta.