"Espetxeak ez du behar bezalako osasun-zerbitzua emateko aukerarik eta baldintza oso kaskarrak ditu (…) Egoera honetan aurkitzen da Antzuolako Joseba Erostegi Bidaguren, Eltzikorta, larriki gaixorik den presoa. 1997tik dago preso eta egun, 66 urterekin, koloneko askotariko polipoak ditu. Eltzikortaren osasun egoera nahikoa ez balitz, honi senideek bisitetan egin beharreko 600 kilometroak gehitu behar zaizkio, 600 kilometro Herrera de la Manchara joanean, eta 600 kilometro itzuleran”.
Halaxe salatu zuten atzo, barikua, euskal presoen alde hilero egiten den elkarretaratzean. 60 bat lagunek babestu zuten eta gaur beste hainbat ere izan dira Antzuolan Joseba Erostegiren alde egin den manifestazioan.