Unai Larreategi EH Bilduko bozeramaleari positiboak iruditu zaizkio koalizioak herrian eskuratu dituen emaitzak, baita Euskal Herrikoak ere. Ostera, emaitza orokorrak kezkagarritzat jo ditu.
Iker Aldazabal jeltzaleak ere positiboki baloratu ditu EAJk EAEn lortu dituen emaitzak; baina horrekin batera etorkizunarekiko kezka erakutsi du eta azpimarratu du VOXen igoerarekiko neurriak hartzea komeni dela.
Patricia Borinaga sozialistak ere adierazi du "pozik" daudela herriko emaitzekin, eta Estatuko emaitzei dagokienez, hauteskundeak laugarren aldiz irabazi dituztela nabarmendu ondoren, aitortu du zaila izango dela "zerbait egitea emaitza horiekin”.