Soraluzeko hockey-zaleak hasi dira Marras Irristaketa Taldearen izenean jokatzen. Halaxe egin zuten atzo, domeka, Bergarako Labegaraieta kiroldegian, bertako Burdinola taldearen kontra. Benjaminek 2-4 irabazi zuten partidua eta alebinek, berriz, 7-0 galdu.
Azaroaren 23an
“Ikusita historiako lehendabiziko partiduak izan direla, oso emaitza onak” lortu dituztela azpimarratu du Iraitz Ibarzabal entrenatzaileak. Zentzu horretan, “jokalariak pozik eta ilusio biziz” bueltatu zirela gaineratu du hark.
Bestalde, Ibarzabalek jakinarazi du alebinek azaroaren 23an jokatuko dutela ligako lehen partidua, Miranda Ebron. Oro har, hilabete honetan aurkeztuko dute Marras Irristaketa Taldea Soraluzen.
Argazkiak: Marras Irristaketa Taldea