Domekan, 09:00etan Estaziñoan elkartu eta mendi buelta eginez hasiko dute denboraldiko azken hitzordua Soraluzeko Mendi Taldeko gurasoek eta umeek.
Egun betea izango dute, ezen udalerriko Finalista Eguna ere ospatuko dute domekan. Hori horrela, urtean zortzi mendi egin dituztenek dominak eta opariak jasoko dituzte. 45 neska-mutiko izan dira aurten finalista.
Babak eta makarroiak
Eguna borobiltzeko, umeak eta helduak elkarrekin babajana egingo dute. 100 bat lagun elkartuko dira. Eta haiendako babak prestatuko dituzte Larrañagak, Sebasek, Coutok eta Romanek, esandako moduan sakramento guztiekin eta gainera, saiheskia laban eginda. Bestalde, azken urteotan moduan, umeendako makarroiak ere izango dira.