5,6 kilometroko lasterketa egin duten ia 30 korrikalariren artean, bat izan ezik, gainerako guztiak izan dira soraluzetarrak.
Horrez gainera, partaide gehienak izan dira emakumezkoak, iaz moduan. Eta iaz moduan ere, lehen lasterketan parte hartu duten hainbat korrikalarik parte hartu dute bigarrengo honetan ere.
Hala egin du, adibidez, Elena Beristainek, berak esplikatu duen moduan, “apur bat soltatzeko”. “Primeran ibili gara!”, kontatu du, berriz, Ana Sebal korrikalariak amaieran, egindakoarekin pozik.