Horrenbeste hauteskunde hitzordurekin gogaituta, gero eta herritar gehiago dabiltza hautets propaganda ez jasotzeko eskaerak bideratzen Espainiako Estatistika Institutura (EEI-INE). Soraluzen ere egin daiteke hori.
Horretarako inprimakiak udaletxean eska daitezke, beheko zein goiko solairuan. Hura bete eta entregatu egin behar da.
Erroldatik kendu
Hori bai, urriaren 7a baino lehen entregatu behar dira orriok. Azken finean, prozedura horren bitartez egiten dena da EEIri eskatu kentzeko norbere izena hautagai-zerrendetako ordezkariei ematen zaizkien hautesle-erroldatik; horrela, haiek propagandarik bidal ez dezaten.
Udaletxeaz aparte, INEren atarian ere badira eskaera bera egiteko inprimakiak. Baina haiek betetzeko NAN elektronikoa eduki beharra dago.
Hori bai, dagoeneko alderdiak hasi dira posta bidezko botoarekin lotutako propaganda helarazten etxeetara. Egunotan horrela egin du, esaterako, alderdi sozialistak Soraluzen.