Aleu Cid soraluzetarra Espainiako selekzioaren kontzentrazioan

Aleu Cid errugbian jokatzen.

Avia Eibar Rugby taldeko jokalaria den Aleu Cid soraluzetarra 18 urtez azpikoen Espainiako selekzioaren kontzentraziorako aukeratu dute, Seven izeneko modalitatean. Astelehenetik, abuztuaren 26tik 29ra Madrilen elkartuko dira Europako Seven txapelketa prestatzeko.

Kontzentrazio horretara 15 jokalari deitu dituzte, eta horien artetik 12 aukeratuko dituzte Europako txapelketa jokatzera joateko. Europako txapelketari dagokionez, abuztuaren 29tik irailaren 2ra arte jokatuko da, Polonian.