Mendian ibiliz, errekan bainatuaz eta oro har, Burgos inguru hartako paraje ederrez gozatuz bukatu dute 2018-2019rako aurreikusitako irteeren lehen zatia Mendi Taldeko Ume eta Guraso taldeko kideek. Asteburu osoa pasa berri dute, hain justu ere, Espinosa de los Monteros aldean.
Ohi duten moduan, 50etik gora lagunek parte hartu du azken irteera horretan eta dagoeneko oporrak hartu dituzte, irailera arte. San Martzialgo jaien ondorengo asteburuan egingo dute lehen mendi irteera.
