Pilota jaialdia, ikasturtea agurtzeko

Pilotari gaztez bete zen Arane kiroldegiko frontoia barikuan. 17:00etan hasi eta 20:00ak arte jardun zuten bertaratu ziren gurasoen eta ikusleen aurrean partiduak jokatzen.

Mailaka lehiatu ziren, zein baino zein indartsuago; eta irabazleek elkarren artean finala jokatu zuten. Pilotari gazte guztiei dominak edo garaikurrak emanez borobildu zuen 2018-2019 ikasturtea Soraluzeko Pilota Elkarteak.