Aurtengo indusketez, bisita gidatuez eta azken urteotan Dolmenen Ibilbidean sasoi honetan egiten dituzten jarduerez gain, datozen hilabeteotan mendi-gaineko nekropoliarekin zerikusia duten bestelako lan batzuk ere egingo dituzte: seinaletika berezia ipiniko dute eta unitate didaktikoak prestatuko dituzte, datorren ikasturtean Soraluzeko, Bergarako eta Elgoibarko ikastetxeetan erabil ditzaten.
Galemys enpresako adituek dihardute zeregin horretan, eta indusketetan ere parte hartzen dihardute.
Jarduera horiek guztiak posible izango dira aurten erakundeek bultzada handia eman diotelako proiektuari, dirulaguntzen kopuruak nabarmen handitu baitituzte Soraluzeko, Bergarako eta Elgoibarko Udalek, Debegesak, Eusko Jaurlaritzak eta Gipuzkoako Diputazioak.