Hiru erakundetarako ordezkariak aukeratuko ditugu gaur; eta hauteskunde-mahaietako kideek esandakoaren arabera, hiruretan izandako parte-hartzea antzerakoa izan da. “Izan da Udalera eta Diputaziora bozkatu bai, baina Europarako bozkatu ez duen herritarrik; baina izan da, baita ere, bakarrik Europarako bozkatu duenik, beraz, antzerako parte-hartzea izango da guztietan”.
Hari dagokionez, eta konparazioa egite aldera, 2015eko Udal hauteskundeetan, %63,93ko parte-hartzea izan zen Soraluzen, eta gaurkoak, berriz, %65ekoa gainditu egingo du. Izan ere, bi mahaietan behera egin badu ere, (%60 eta %63,07), beste hiru mahaietan gora egin du, eta nabarmen, gainera: %68,25, %72 eta %65.
Aurreikuspena da 21:00ak ingururako bukatzea Europako Parlamenturako botoen zenbaketa eta berehala hastea Udal hauteskundeen botoak kontatzen.