Gaur eguena, berriz, Sagarrerrekara joango dira; oro har, bilkideek asmoa dute-eta, herriko auzoetara joateko egunotan, euren proposamenak ahalik eta herritar gehienei egin nahian.
Auzoak, kirola, komertzioak eta beste
Hala, besteak beste, EHBilduk banatutako esku-orrietan azpimarratzen dute "urtero 100.000 euro bideratuko" dituztela auzoetan inbertsioak egiteko. Soraluzeko "komertzio eta zerbitzuak biziberritzeko dirulaguntzak sortuko" dituztela; "kirola herritar guztiendako eskuragarriagoa izan dadin neurriak hartuko" dituztela; "Soraluze arnasberrituko duten proiektu eta inbertsioak bultzatuko" dituztela; "Soraluze estetikoki txukuna, atsegina, garbia eta segurua" nahi dutela, eta besteak beste "herriko ekonomia indartuko" dutela, "enplegu duinaren sorkuntzan oinarrituta".