Egunotan azken detaileak lotzen dabiltza domekan Urban Trail eta Andaina Herrikoia lasterketak gauzatzeko. Adibidez, Soraluzeko Udaltzaingoak jakinarazi duenez, 09:30ean Eibartik Soraluzera datorren autobusa herritik kanpo pasatu behar da, beraz, Sagarrerrekako geltokian geldituko da eta behin bidaiariak hartuta, saihesbidetik egingo du Bergarako bidea. Osterantzeko autobusak normal pasatuko dira.
Opari eta guzti
Bestela, sorpresa eta guzti datoz aurten domekako lasterketak. Esaterako, Urban Trailaren ibilbidea iazko alderantzizkoa izango da, eta besteak beste, Andaina lasterketa ez lehiakorreko ibilbideak San Martzial ukituko du. Eta zela ez, kirol proben amaieran opari zozketa izango da. Atzo, eguaztena, Hamabostero Hankabero ekimena prestatzen zebilela eman zituen xehetasunak Jokin Martinezek, antolatzaileetako batek.