Gaur iluntzeko pilota norgehiagokei dagokienez, 19:00etan hasi eta lehen partidua jokatuko dute alebin mailako Ane Fidalgo eta Ekhi Amuategi pilotari soraluzetarrek, Azpeitiko bikotearen kontra. Eta haien ondoren, Udaberri Txapelketaren baitan baita ere, Aiert Losadak eta Unai MorenokOñatik bikotea izango dute aurrez aurre, infantil mailan.
Gomazko paletan
Bestalde, gomazko palaren bueltan Herri Arteko Txapelketa antolatu dute, eta lehiaketan Soraluzeko ordezkaritza ere izango da. Hain justu, bihar, zapatua goizean jokatuko dute herriko pilotariek Usurbilgoen kontra, 09:30ean hasita.