“Zuzeneko beharrak” asetzeko erabiliko ditu Soraluzeko Udalak 2018ko kontuen likidaziotik soberakin moduan geratu diren 398.734 euroak.
Lehentasunak
Iker Aldazabal alkateak esplikatutako moduan, hiru dira gaur egun lehentasunik handiena duten beharrak:
- 1- Kiroldegiko igerilekuko sabaia konpontzea: 233.000 euro. Obren pleguak hurrengo Tokiko Gobernu Batzarrean onartuko dituzte.
- 2- Igerilekurako deshumektadorea. 69.000 euroko kostua du eta orain beste 20.000 euro bideratu behar dituzte azpiegitura hori eskuratu ahal izateko
- 3- Udaltzaingoarendako ibilgailu berria erosiko dute, 30.000 euro bideratuta “zatika jausten dago”, ezan zuen alkateak. Eta udal brigadarendako beste ibilgailu bat erosiko dute, 20.000 euro bideratuta.
Lehentasun horietarako 303.000 euro bideratuko ditu Udalak 2018ko likidazioko soberakinetik, eta gainontzekoa (95.734 euro) gorde egingo dute “urtea oso luzea da eta hobe zuhurra izatea”, esan zuen alkateak.