Kirolak berezkoak dituen onurak handiak izan arren ere, alde iluna ere baduela-eta horixe landuko dute kriminologia ikuspuntutik barikuan Soraluzen egingo duten hitzaldian.
Dopina, abusuak, suizidioak…
Gipuzkoako bi kriminologoren eskutik, Oihane Vergararen eta Ainara Rankinen eskutik, besteak beste, berbagai izango dituzte kirolaren bueltan eman izan diren eta ematen diren entrenatzaileengandik adinez txikikoekiko abusuak, diru desfalkuak, dopina, suizidio kasuak, indarkeria eta beste.
Eta bereziki aztertuko dute generoak eta adinak zela eragin dezakeen kirolean, kirolariak zaurgarriagoak, ahulagoak bilakatuz abusuei aurre egiterako orduan.
Euskal Herri mailako ekimena Soraluzen egitearen arrazoia, berriz, Martin Luque Soraluzeko kriminologoak esplikatu du: “Elkarteko presidenteordea naiz eta halako hitzaldiak beti hirietan egin beharrean pentsatu dugu herrietan egitea ere egokia zela”. Barikuan da hitzordua, 19:00etan, Herriko Antzokian.