Espainiako Kongresurako eta Senaturako hauteskundeak apirilaren 28an izango direla iragarri berri du Espainiako presidente Pedro Sanchezek gaurko deituta zegoen ezohiko ministroen kontseiluan.
Hori horrela, 54 egun lehenago desegingo ditu Espainiako gorteak eta apirilaren 12an (barikua) hasiko da kanpaina eta apirilaren 26an bukatu. Bestela esanda, Aste Santua bete-betean harrapatuko du Espainiako Gorteetarako hauteskunde kanpainak.
Bost erakundetarako hauteskundeak
Eta gainera, apenas egongo da 12 eguneko atsedenaldia hurrengo hauteskunde kanpaina hasi arte. Izan ere, maiatzaren 26an izango dira udal eta foru hauteskundeak eta baita Europakoak ere. Beraz, haiei dagokien kanpaina hasiko da maiatzaren 10ean eta maiatzaren 24an bukatuko da.
1979. urteaz geroztik ez da izan horrenbeste hauteskundetarako hitzordurik bata bestearen ondotik Espainiako estatuan.