19:00ak aldera abisatu zuen Txurruken kaleko bizilagun batek gas usaina hartzen zuela etxeko terrazan. Suhiltzaileak bertaratu ziren, halako kasuetako protokoloa aktibatu zutelako, baina egoera ez zela larria baieztatu eta gasaren mantenuko teknikariari pasa zioten abisua.
Isuri txikia
Bien bitartean, badaezpada Txurrukeneko 4. zenbakiko etxearen aurrealdea eta haren pareko errepideko errailetako bat moztu egin zituen Soraluzeko udaltzainak.
19:45 inguruan ailegatu zen, berriz, gasaren mantenuko teknikaria, eta etxearen gas-hargunea aztertu eta gas ihesa nondik zetorren ikusi ondoren, egoera konpontzeko bidean laga zuen. Hark esplikatutakoaren arabera, Txurrukenekoa gas isuri txikia izan zen, “askotan” gertatzen diren horietakoa.
