1974.urtean Euskal Herritik Himalaiara abiatu zen Tximist espedizioari buruzko erreportaje berezia landu du Goiena Komunikazio Taldeak, Goiena papereko azkeneko edizioan. Eta bertan, Oihana Elortza kazetariak aipamena egiten dio, baita ere, 1979an Euskal Herritik Himalaiara abiatu zen hilabeteko trekking-ari.
Kazetari oñatiarrak kontatzen duenez, urrian abiatu ziren Annapurnara hogei bat laguneko taldea, Felipe Uriarte gidari zutela, hilabeterako, bertan trekkinga egitera. Eta tartean izan ziren Xabier Barrenetxea, Agustin Txurruka eta Juan Rodriguez Juanillo soraluzetarrak.
Zabaletarekin topo
“Ikaragarria” izan zen irteera hura, Elortza kazetariak jaso duenez. Hark kontatzen du adibidez, Annapurnan Martin Zabaletarekin egin zutela topo, Everestera igotzea lortu zuen lehen euskaldunarekin, alegia. Eta, besteak beste, zela orduko hartan kanpin dendetan egiten zuten lo Annapurnan.
Erreportaje osoa irakurtzeko hemen klika daiteke.