Berezia da San Blas opilen bedeinkapena Soraluzen. Horren erakusle Santa Maria parrokia gainezka izan zela atzo, beste urtebetez. San Blas eguneko mezetan ohi denez, bereziki ume mordoa bertaratu zen, familiekin batera, sanblas opilak mahai-zapietan ondo bilduta, ahalik eta gorenen igotzeko asmo sendoarekin, ur bedeinkatuak zipriztindu zitzan.
On Luis apaiza, gainera, eskuzabala izan zen bedeinkapenaren banaketan, eta asko edo gutxi, baina bertaratu ziren gehientsuenengana ailegatu zen horren preziatua duten ur bedeinkatua. Halaxe komentatu zuten gehienek akolitoek lagundutako apaizak isipuarekin pasilloan gora eta behera egin ondoren.
2019 ots 03 Gizartea
Soraluzeko albiste nabarmenenak eta azken ordukoak Whatsapp edo Telegram bidez jaso nahi dituzu? Harpidetu zaitez doan!
WHATSAPP: Bidali ALTA 699 86 87 29 telefono zenbakira –Whatsapp bidez–.
TELEGRAM: Batu zaitez @plaentxia kanalera.