Zirkuluan ipini eta oro har, norberaren buruari buruzko ikuspegi positiboa lantzeko ariketak egin zituzten atzo iluntzean, Itxaropena elkarteko areto nagusian, esperientzia emozionala, autoestimua eta barre-terapia langai izango dituen tailerrean.
Norbere buruari opariak egiteko beharra, norberaren ezaugarri positiboak kontuan hartu eta aitortzea, bizitzan izandako lorpen garrantzitsuak ere kontuan hartu eta aitortzea, perfekzionismoa baztertzea, norberarendako denbora gordetzea… eta antzeko lanketak egin zituzten, guztiak ere, autoestimua indartzera bideratutakoak.
Beste hiru saio
Atzo iluntzekoa, lehen saioa izan zen, eta beste hiru egingo dituzte, otsailaren 6ra bitartean, eguaztenetan 17:00etatik 19:00etara.
Hain justu ere, 2018an tailer berbera egin zuten, eta bertan parte hartu nahi zuten askok kanpoan geratu behar izan zuten, leku faltarengatik. Horrexegatik dabiltza orain atzera ere errepikatzen tailer bera.
