Lazkao bisitari

Lazkao bisitari
Gorengo mailako taldea, aurkezpen egunean.

Bihar, zapatua, Ezoziko futbol zelaian du hitzordua Soraluze Futbol Taldeko gorengo mailako ekipoak. Lazkao izango du aurrez aurre, 16:30ean hasiko den partiduan.

Gabonetako atsedenaldiaren ondoren zelairatuko dira Sorako mutilak bihar. Azken txanpan lortutako emaitza onei eusten ahaleginduko dira; haiei esker, sailkapenaren 7. postuan dago kokatuta etxeko taldea, eta biharkoan aurkari izango du sailkapenean azken-aurrekoa den Lazkao taldea.

Gainontzekoak

Kadete mailako Sorako taldeak, berriz, Eibarko Unben jokatuko du, Eibartarrak taldearen kontra. Haiek ere bihar, zapatua, 12:00etan. Eta gainontzeko mailetako taldeek atseden izango dute oraingo asteburuan.

Eta zapaturoko hitzordura bueltatuko da Eibar Futbol Taldeko futbol inklusiboko entrenamendua; hori Ezoziko futbol zelaian izango da, 13:00etan.