Soraluzeko Udalak jakinarazi duenez, gaur arratsaldean zabalduko dute Arane kiroldegiko igerilekua, sabaipeko sarea ipintzeko lanak bukatzen dabiltza-eta; hori horrela, gaurtik, egunerokotasunera bueltatuko da igerilekuaren funtzionamendua. Besteak beste, datorren astean normal eskainiko dituzte ikastaroak.
Abenduaren 24an eta 31n
Horrez aparte, eta igerilekua itxia izan den denboran galdutako egunengatik “konpentsazio” modura, abenduaren 24n eta 31n kiroldegia zabaldu egingo dute, 09:00etatik 13:00ak arte, bestela egun horietan egun osoz itxita egoten da.
Joan den abenduaren 5az geroztik dago itxita Arane kiroldegiko igerilekua, bertako sabaitik hezetasunak eraginda sabaiko egituraren hormigoizko estaldura-zatiak jausten zebiltzalako. Hain justu, egituraren egoeraren gaineko txostena lantzen badabiltza, behin betiko konponbidea emateko arazoari.