plaentxia.eus

Igerilekua itxita dago gaur eguerditik

  Kirola

Eguerdian igerilekua itxi egin dute, eta datorren astean ere itxita izango da. Harri pusketak jausi dira igerilekuko tetxutik. Atzo, martitzena erori zen azkena. Hori ikusita, segurtasunarengatik erabaki dute igerilekua ixtea.

Igerilekua itxita dago gaur eguerditik
Igerilekua itzita, eguerditik. | Ikusi handiago | Argazki originala

Joan den astean jausi zen harri pusketa bat igerilekura eta atzo beste bat. Hezetasunak eraginda hasi dira harri pusketak jausten. Eta hori ikusita, udal adituek erabaki dute igerilekua ixtea, erabiltzaileen segurtasuna zaintzeko.

Ikastaroak bertan behera

Eguerdian bertan itxi dute kirol instalazioa. Beraz, gaurtik eta jakinarazpena iritsi arte, ezin da pizina erabili. Ikastaro guztiak bertan behera geratu dira, jakina.

Datorren astean etorriko dira adituak egoera aztertzera. Eta haien txostenen emaitzen arabera erabakiko dute noiz zabalduko duten berriro ere igerilekua.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa