Eguerdiko hamabi terdietatik aurrera hasi dira herritarrak hurreratzen Plaza Zaharreko karpara. Loreak, dietetika eta estetika produktuak, aseguruak, altzarigintza, erropa, elikagai, joskintza, jostailu eta abar jarri dituzte ikusgai Gabonetako Azoka osatu duten hamar postuetan. Dendariek, produktuak saltzeaz gain, herritarrei euren eskaintzaren berri emateko ere aprobetxatu dute.
Pintxoak eta edariak ere eskaini dituzte barran, eta horiek patxadaz dastatzeko aukera ere bai chilaud gunean.
Bizikaleko arduradunak eta dendariak gustura ziren herritarrengandik jaso duten erantzunarekin, eta, beste behin, herriko merkataritza herritarrengana hurreratzeko helburua bete dela adierazi dute.
