plaentxia.eus

“Soraluze proiektu eta lidergo faltan dago”

  Politika

Soraluzeko EH Bildu 2019ko udal hauteskundeei begira lanean hasi da dagoeneko. Martitzenean herri batzarra egin zuten. Bertan, besteak beste, “hauteskundeei begirako plangintzaren berri” eman zieten bertaratutakoei. Laburbilduz, Soraluzeri eskaini nahi diotena da “proiektu sendo bat, gaur egungo egoerari buelta emango diona”.

“Soraluze proiektu eta lidergo faltan dago”
EH Bilduren logotipoa. | Ikusi handiago | Argazki originala

Soraluzeko EH Bilduko kideen ustez, “gaur egun Soraluze proiektu eta lidergo faltan” dago. Hori horrela, Soraluzeri nahi diote eskaini “proiektu sendo bat, gaur egungo egoerari buelta emango diona. Horretarako gauzak ondo eta patxadaz egin nahi ditugu”.

Horrelaxe laburbildu dute EH Bildutik joan den martitzeneko herri batzarrean landutakoa. Hain justu, “hauteskundeei begirako plangintzaren berri” eman zuten bertan, eta herriari buruz bideratu duten diagnostikoaren berri ere eman zuten, jakinaraziz 250 lagunek parte hartu duela dagoeneko galdetegia erantzuten.

Zerrenda osatzen

“Ahalik eta herritar gehienen iritziak jasotzea da gure asmoa, herriari proiektu sendo bat eskaintzeko ezinbestekoa baita soraluzetarren iritzia entzutea”, azpimarratu dute koaliziotik.

Hortik aparte, datozen hilabeteotan hauteskundeetara begira aurkeztuko duten programan zein koaliziotik aurkeztuko duten zerrendaren osaketan lan egingo dutela gaineratu dute.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa