Bihar, azaroaren 1, 10:00etan hasiko da lehen partidua etxeko futbol zelaian. Infantilek jokatuko dute, Eibarko Urki A taldearen kontra. Ondoren, kadeteak zelairatuko dira, 12:00etan; eta aurrez aurre izango dute Azpeitiko Lagun Onak taldea.
UDA taldea
Arratsaldeko jardunari dagokionez, berriz, aretxabaletarrak izango ditu bisitari Soraluze Futbol Taldeak. 16:30ean hasiko da gorengo mailako sailkapenean zortzigarren doan UDA taldearen kontrako partidua.
Horrez aparte, zapatuan ere bada hitzordua futbolarekin. Kasu honetan, Eibarko Futbol Inklusiboko saioa izango da, 11:00etan hasita.