Domekan du Soraluzeko Mendi Taldeko Haur eta Guraso sailak 2017-2018 ikasturteko azken hitzordua: Bazkide Eguna. Eta aurreikusitako eta antolatutako guztia berrantolatu egin behar izan dute azken orduan, domekarako iragarrita dagoen negu giro gordinarengatik.
55 neska-mutiko
Hori horrela, goizeko mendi buelta egin barik, 13:00etan hasiko dira Bazkide Eguneko ekitaldiak, kiroldegian bertan. Egun horretan ohi dutenez, zortzi mendi egin dituzten haurrek (sei, mendi taldearekin) domina jasoko dute, ekitaldiaren hasieran. 55 neska-mutikori emango diete, hain justu ere, oparitxoa.
Bazkaria eta jolasak
Eta horren ondoren bertan bazkaldu dute guztiek elkarrekin. 110 lagunek eman du domekarako izena. Baba-jana dute menu nagusi, baina horrela nahi duten umeek aukera izango dute makarroiak jateko. Bazkalostean jolasak egingo dituzte bertan, eguna borobiltzeko.