plaentxia.eus

Partidu garrantzitsuak dituzte Sorakoek asteburuan

  Kirola

Oraingo asteburuan Soraluze Futbol Taldeko gorengo mailako eta kadete mailako taldeek dituzte hitzorduak; barikuan eta zapatuan, hurrenez hurren. Bestalde, infantil mailako taldeak datorren astean du denboraldiko lehen hitzordua.

Partidu garrantzitsuak dituzte Sorakoek asteburuan
Sorako gorengo mailako taldea. | Ikusi handiago | Argazki originala

Sorako gorengo mailako taldeak partidu garrantzitsua du oraingo asteburuan. Sailkapenean atzean dabil etxeko taldea, 13. postuan, hain justu; eta barikuan gertuan duen aurkaria izango du aurrez aurre: Zestoa.

Puntu garrantzitsuak 

Izan ere, zestoarrak sailkapenean 15. postuan daude, eta haiei irabazita, bien arteko aldea handitzeaz aparte, hiru puntu oso garrantzitsu eskuratuko lituzkete Sorakoek sailkapenean aurrera egiteko. Partidua 16:30ean hasiko da, kanpoan, Zestoan.

Kadeteek Azpeitian 

Kadete mailako taldeari dagokionez, haiek ere kontuan hartzeko moduko hitzordua dute Azpeitian. Sailkapenean hirugarren daude etxekoak eta laugarren, berriz, azpeitiarrak, baina puntutan berdinduta daude. Kadete mailakoek zapatu goizean jokatuko dute partidua Ikasberriren kontra, 10:00etan.

Atseden 

Gainontzeko taldeei dagokienez, berriz, benjamin eta alebin mailako taldeek atseden hartuko dute eta Sorako infantil mailako taldeak datorren astean izango du denboraldiko lehen hitzordua. 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa