Munduan 6.000 hizkuntza baino gehiago aurki ditzakegu, eta Europan, guzti horietatik 68 dira jatorrizkoak. Aniztasun horren isla da munduko biztanleriaren erdia inguru elebiduna edo eleanitza izatea.
Europako Kontseiluak, 2001 urteaz geroztik, irailaren 26a Hizkuntzen Europako Eguna izendatu zuen. Europa osoko 800 milioi herritarrei hizkuntz aberastasuna gogorarazi eta beste hizkuntza bat ikastera animatzeko gonbidapena luzatu nahi izan die egun honetan.
Aniztasun hori beste herrialdeekiko ulermen zabalago bat eskuratzeko tresna dela eta gure kontinentearen ondare kultural aberatsaren funtsezko elementua dela aldarrikatzeko baliatu nahi da egun hau, eta orokorrean eleaniztasuna sustatzea du helburu.
Adina edozein izanda ere, eskolan bertan edo eskolaz kanpo, beste hizkuntza batzuekiko gertutasuna bilatzeko proposamen ugari biltzen ditu Europako Kontseiluaren ekimenak. Besteak beste, edozein adin tarte eta profileko jendeari zuzendutako jolasak, lehiaketak, tailerrak eta bestelako jarduerak burutu ahal izateko materialak jartzen ditu herritarren esku.