Sorako gainontzeko taldeei dagokienez, berriz, zapatuan, Sorako kadete mailako jokalariek partidua dute Eibartarrak taldearen kontra, 11:00etan Eibarren, eta gorengo mailakoek, berriz, Zumaian dute hitzordua, 17:45ean, Zumaiakoren kontra.
Taldeen aurkezpena
Horrez aparte, urriaren 6an, zapatua, egingo dute Sora Futbol Taldeko talde guztien aurkezpena, Ezoziko futbol zelaian. 15:30ean aurkeztuko dituzte 2018-2019 denboraldian jokatuko duten taldeak, eta ondoren partidua jokatuko du gorengo mailako taldeak Idiazabalen kontra.
Partidua baino lehen, baina, Sorako bi jokalari omenduko dituzte: Borja Olaizola eta Raul Luis. Biek ala biek plaka bana jasoko dute oroigarri, Soran egin dituzten 20 urteengatik esker-on modura.