plaentxia.eus

Ohiko jardunera bueltatuko da kiroldegia, zapatutik

  Kirola

Bihar, barikua, izango du Arane kiroldegiak udako ordutegiko azken eguna. Bestela esanda, zapatutik atzera ere neguko ordutegia berreskuratu eta astelehenetik barikura goizez zein arratsaldez zabalik izango da. Ikastaroak, berriz, irailaren 17an hasiko dira.

Ohiko jardunera bueltatuko da kiroldegia, zapatutik
Arane Udal Kiroldegia. | Ikusi handiago | Argazki originala

Bihartik domekara 09:00etatik 13:00etara bitartean izango da zabalik kiroldegia; udako ordutegiko azken eguna du-eta bihar.

Goizez zein arratsaldez

Izan ere, irailaren 1etik aurrera, zapatutik, atzera ere neguko ordutegira bueltatu eta astelehenetik barikura bitartean, 08:30etik 21:30era bitarteko zerbitzua eskainiko du kiroldegiak, ohiko salbuespenekin: astelehenetan eta eguaztenetan 07:00etan zabalduko dute, zapatuetan eta domeketan 09:00etatik 13:00etara bitartean eta ostiraletan igerilekua 12:00etatik 15:00etara itxita izango da.

Ikastaroak

Ikastaroei dagokienez, berriz, helduen ikastaroak irailaren 17an hasiko dira, eta umeenak urriaren 1ean. Ikastaroen kasuan ez dago izena emateko eperik, edozein momentuan egin daiteke hori-eta.

Zapatu arratsaldetan

Bestalde, azarotik martxoaren amaierara arte zapatuetan ere zabalik izango dira kirol instalazioak, 16:00etatik 19:00etara.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa