Kutxabankeko kutxazainetara sartu-irtenez aparte, Mutrikuko Arno ganadutegiko zezenek eta haiekin jolasean ibili ziren herritarrek eta bisitariek argazki ikusgarriak utzi zituzten San Roke Txiki Egunean. Goiz partean labankadak nagusitu ziren eta kolpe bat baino gehiago hartu zuten zezenek. Hori bai, arratsaldeko aterrunea lagun, zezenek seguruago ibiltzeko aukera izan zuten, eta orduan zezenak izan ziren kolpeak eman zituztenak.
Horrez aparte, bestelako anekdota batzuk ere utzi zituzten zezenek; esaterako, izan zen zezen bat Plaza Zaharreko jarlekuetako batean trabatu eta irten ezinda geratu zena; jendearen laguntzarekin irten zen hura handik. Eta Plaza Zaharrean harrapaketaren bat zein beste ere egin zituzten.
Zezenen ondoren, berriz, musika izan zen lagun San Roke Txiki Egunean; eguerdian Larreategi Taldearen eskutik. Eta iluntze partean, berriz, Baralde txarangaren eskutik.
2018 abu 18 Gizartea
Soraluzeko albiste nabarmenenak eta azken ordukoak Whatsapp edo Telegram bidez jaso nahi dituzu? Harpidetu zaitez doan!
WHATSAPP: Bidali ALTA 699 86 87 29 telefono zenbakira –Whatsapp bidez–.
TELEGRAM: Batu zaitez @plaentxia kanalera.